पाखरे

पाखरे

पंखात आसमंत घेऊन,
आकाशी बेधुंद उडतात पाखरे ।

वेगात वळतात वळणे घेऊन,
किती स्वच्छंदी दिसतात पाखरे ।

उडता उडता जाती थकून,
अचूक निवारा शोधतात पाखरे ।

किलबिलाट पिलांचा बघून,
मुखी त्यांच्या घास भरवतात पाखरे ।

वेध संकटाचा हळुच घेऊन,
लगेच निवारा बदलवितात पाखरे ।

अस्मानी संकटे गेले येऊन,
तरी हिमतीने जवाब देतात पाखरे ।

घरट्यातील पिलांना घेऊन,
थव्यात ऐक्य सदा जपतात पाखरे ।

नात्याची ही जाण राखून,
आजन्म संबंध समजतात पाखरे ।

निसर्गाचा हा कौल समजून,
माणसहो..! माणसात ऐक्य जपारे ।
         
- किशोर तळोकार
(9673060762)
दि.17/03/15